Name :*
SurName :*
Password :*
Confirm the password :*
:
:
:
 
:
:
:
:
:
:
:
:
:
:
:
Redakësia
Ka përfunduar me sukses faza e parë e zhvillimit dhe e publikimit të ueb faqes AdemJashari.com. Besojmë që ia kemi dalë ta pasurojmë me materiale interesante dhe të përzgjedhura mirë. Synim parësor është promovimi i vlerave kombëtare shqiptare. Për publikimin e parë, është paraparë përmbajtje e reduktuar, por, ne premtojmë që brenda këtij viti do të pasurohet edhe me më shumë informacione të tjera.

Gjatë planifikimit dhe përcaktimit të strukturës së këtij portali kemi pasur parasysh:

Pasi që bëhet fjalë për një personalitet shumë të veçantë, kemi dëshiruar që, në një mënyrë shumë origjinale të përshkruajmë jetën e tij.

Dizajni dhe Zhvillimi softuerik:

Që vizitorët të mos kenë kurrë monotoni, janë bërë tri pamje të së njëjtës faqe, tri dizajne paralele me ngjyra dhe refleksione të ndryshme që paraqesin të njëjtën përmbajtje.
Përveç tjerash edhe ngjyrat e faqes kanë qenë pjesë sfiduese e projektit. Çfarë ngjyrash mund ta prezantojnë një njëri, Një hero, Një luftëtar?! Kemi vendos që t’i përmbahemi kohës së tij dhe atyre ngjyrave që ai kishte adhuruar në atë kohë, pra, kuq e zi. Po ashtu duke marrë parasysh që në këtë faqe është edhe një rubrikë e rëndësishme për UÇK-në është përdorë edhe e verdha nga emblema e UÇK-së. Pra, heroi ka luftuar me flamurin kuq e zi dhe nuk mund të kthehemi prapa e ta ngjyrosim historinë me pikëpamjet, ngjyrat apo dëshirat e kohës.

Në pjesën e poshtme te faqes janë përdorë ngjyra të tokës (Earth colours), qe e identifikojnë tokën, luftën, katundin.

Edhe pse flamuri kombëtar është i “sterperdorur” neper ueb-sitet e ndryshme shqiptare, ne rastin e Ademit është përdor në mënyrë më të veçantë dhe më bashkëkohore.

Është zhvilluar një CMS e veçantë për këtë faqe që të mundësohet mirëmbajtja e lehtë dhe e shpejtë.

Përmbajtja e materialeve, shkrimeve, informacioneve:

Materialet janë përzgjedhur nga një redaksi e caktuar nga Qendra për Edukim dhe Përparim kryesisht e përbërë nga historianë, gazetarë, pjesëmarrës të luftës etj.
Gjatë këtij viti do të formohet një ekip e punës për organizimin e një tryeze shkencore më qëllim të pasurimit, përzgjedhjes apo përmirësimit eventual të këtyre informacioneve.
Materiale të rëndësishme janë siguruar në bashkëpunim me Shoqatën e Familjeve të Dëshmorëve.
Mbajtja, redaktimi dhe begatimi i kujdesshëm i kësaj faqeje, përmban qëllim të qartë si synim parësor dhe përfundimtar të redaksisë së punës.

Ne e kemi lehtë të ecim nëpër rrugën e shtruar, nën dritat e lirisë, që Adem Jashari legjendë, i ruan të ndezura, për të gjithë brezat shqiptarë të kësaj toke.
Këto drita të ndezura do të jenë udhërrëfim edhe për ne që mirëmbajmë faqen e heroit tonë kombëtar.

Harta e faqes


FILLIMI
Në fillim të faqes (në butonin “Fillimi”) në të majtë janë paraqitur 3 butonat më të rëndësishëm:

  • Atdhetar
  • Hero
  • Legjendë

Përmes këtyre butonave është pasqyruar jeta dhe rënia e lavdishme e komandantit legjendar. Po ashtu një sektor në dukje i është kushtuar Ushtrisë Çlirimtare të Kosovës, Familjes Jashri, Kompleksit Adem Jashari, Forumit dhe Lajmeve të fundit, kushtuar luftës apo çfarëdo në lidhje me UÇK-në.


UÇK
Seksioni i dytë dhe një hapësirë e rëndësishme i është kushtuar Ushtrisë Çlirimtare të Kosovës. Përkatësisht për publikimin e parë janë paraparë këta butona rreth UÇK-së

  • Betimi
  • Lufta e UÇK-së
  • Zonat
  • Dëshmorët
  • Fotogaleria
  • Videgaleria

Të gjithë këta butona do të pasurohen rregullisht dhe më kohë shpresojmë që të publikohen informacione të rëndësishme për çdo betejë dhe çdo gjë me vlerë rreth UÇK-së.

FAMILJA
Ne ketë seksion parashihet paraqitja e trungut familjar dhe historia e përgjithshme e familjes, familjaret, historia e tyre ne pika te shkurta.

  • Historiku
  • Dëshmorët
  • Pasardhësit
  • Fotogaleria
  • Videogaleria


KOMPLEKSI
Duke pasur parasysh se Prekazi është vend i rëndësishëm historik ai e meriton një vend te veçantë ne faqe duke e ditur se parashihet ndërtimi i Kompleksit Adem Jashari dhe zhvillimi si zonë me rendësi, ne faqe me kohë do të paraqitet pamja 3D, plani i saj dhe vizita virtuale në të.
Përkujtimet e Epopesë së UCK-së, zënë një vend me rendësi dhe festohen edhe zyrtarisht, ato zënë një hapësire te dukshme në përkujtim të ngjarjeve te zhvilluara ne Prekaz.
Këtu do të paraqiten koncertet, fjalimet, nata e zjarreve, galeri etj.
  • Kompleksi
  • Ligji
  • Fotogaleria
  • Videogaleria

FOTOGALERIA:
Ky seksion përmban foto galerinë e Komandantit Legjendar, Ushtrisë Çlirimtare të Kosovës, Betejave, Familjes, Vizita të rëndësishme nderuese etj.

VIDEOGALERIA:
Ky seksion përmban video dhe audio galerinë.
Ky seksion do të përmbaj videogalerinë e Komandantit Legjendar, Ushtrisë Çlirimtare të Kosovës, Betejave, Familjes, Vizita të rëndësishme nderuese etj.
Ne video galeri përveç tjerash mund te paraqiten edhe video amatore po ashtu edhe dokumentarë rreth familjes dhe heroit.
Audio galeria do të përmbaj këngë e rapsodi te dedikuara për A.J dhe familjarëve ne përgjithësi, me mundësi për dëgjim dhe shkarkim.



LAJMET E FUNDIT:
Këtu do të paraqiten, shkrime rreth përkujtimeve, shkrime të autorëve eminent. Botime me vlerë nëpër gazeta etj.
Ka autorë eminentë që kanë shkruar për këtë hero, apo luftën e UÇK-së, kur do të kemi mundësi shkrimet e tyre me karakter afirmativ për personalitetin e Adem Jasharit dhe luftës së UÇK-së, do të publikohen edhe këtu.

FORUMI:
Biseda rreth temave te caktuara po që sigurisht te lidhura me figurën e Adem Jasharit, Luftën e UÇK-së, Synimet kombëtare etj.

Portali AdemJashari.com do të pasurohet edhe me pika tjera.


KOMENTIMI:

Të gjithë vizitorëve u është mundësuar komentimi i çdo shkrimi, shpërndarja e tyre nëpër internet, printimi dhe dërgimi me e-postë të tjerëve. E tëra kjo më qëllim të shpërndarjes së informacioneve me vlerë për luftën e lavdishme çlirimtare, të Komandantit Legjendar dhe të Ushtrisë Çlirimtare të Kosovës.

Të gjithë ata që dëshirojnë të përkrahin këtë projekt moralisht, me ide, propozime etj. jenë shumë të mirëseardhur. Ju lutem, sa për fillim t'i ftoni edhe të tjerët për t'u bërë anëtarë të kësaj faqeje, në mënyrë që me kohë të bashkohemi për përparimin e ueb faqes www.ademjashari.com.

Redaksia


Email to send to: *
Your name: *
Your E-mail: *
KOMENTET
Name
Content
Ne mbajmë të drejtën e fshirjes së komenteve që thyejnë rregullat e portalit.

Zëvendëskryeministri dhe ministri i Punëve të Jashtme i Shqipërisë, Edmond Haxhinasto, gjatë një vizite dyditëshe  në Republikën e Kosovës ka vizituar edhe Kompleksin Memorial “Adem Jashari” si dhe familjen Jashari në Prekaz.

Shefi i diplomacisë shqiptare me ç’rast ka vlerësuar lart kontributin e Jasharëve për kombin shqiptar.

Ai gjatë vizitës në Prekaz është pritur nga Murat Jashari.

Prekaz, 7 mars – Manifestimi tradicional treditor Epopeja e Ushtrisë Çlirimtare të Kosovës, është përmbyllur me “Natën e zjarreve”, të hënën mbrëma, në orën 18:00, duke filluar në Prekaz me ndezjen e flakadanëve dhe zjarrit qendror e për të përfunduar natën vonë në sheshin “Adem Jashari” në Skenderaj me koncertin e madh dhe me ndezjen e fishekzjarrëve të shumta.
Manifestimi i kushtohet rënies heroike të komandantit legjendar, Adem Jashari, dhe 55 Jasharëve dhe bashkëluftëtarëve tjerë të tij, të cilët para 13 vjetësh, për 3 ditë e 3 net rresht, u kishin rezistuar sulmeve barbare të forcave policore e paramilitare serbe.
Sipas skenarit tashme tradicional, pikërisht në orën 18:00, kur terri fillon ta mposhtë dritën, sikur qe robëria serbe kishte pushtuar Kosovën për gati një shekull, në kullat e Jasharëve dhe në bunkerin e legjendarit, në pyllin sipër lagjes Jashari, ndizen flakadanë të shumtë, të cilët me ndriçimin e tyre simbolizojnë ndezjen e  shkëndijave të lirisë, të para 13 vjetësh.
Të rinj e të reja, të veshur me uniforma të UÇK-së dhe veshje kombëtare, me flakadanë në duar, nisen nga Varrezat e Dëshmorëve, në të cilat prehen heronjtë e asaj lufte heroike. Dhe derisa flakadanët u vendosën përreth kompleksit të varrezave, gjimnazistët vunë nga një buqetë lulesh mbi secilin varr të 49 dëshmorëve sa janë në këtë kompleks, emrat e të cilëve nga udhëheqësi i manifestimit, para mijëra qytetarëve të tubuar, u përmenden emër për emër.
Ndërkohë, është ndezur zjarri i madh, flaka e të cilit është shpërndarë gjithandej, ashtu sikur që para 13 vjetësh ishte shpërndarë nga këtu zjarri i luftës dhe kushtrimi i legjendarit Adem Jashari, të cilit i janë përgjigjur liridashësit kudo që ishin. Ndezja e këtij zjarri është pasuar nga ndezja e zjarreve të tilla në të gjitha fushëbetejat e luftës së UÇK-së, anekënd Kosovës.
 Pas përfundimit të ceremonisë së ndezjes se flakadanëve dhe zjarrit, në Prekaz, pjesëmarrësit i janë drejtuar qytetit të Skenderajt, për të marrë pjesë në koncertin e madh me pjesëtarët e estradës, i cili është mbajtur në sheshin “Adem Jashari”. Në nderim të këtij përvjetori janë ndezur edhe fishekzjarrë të shumtë.
Kësaj radhe, deri në momentin e raportimit,  nuk janë vërejtur liderëttanë shtetërorë, politikë apo ushtarakë. Bekim Jashari, i pranishëm në këtëtubim, përmes medieve ka falënderuar pjesëmarrësit dhe ka shfrytëzuar rastinedhe një herë të apelojë për unitet të udhëheqjes sonë.  

Në ditën e tretë, të manifestimit treditor “Epopeja e UÇK-së”, me rastin e 13-vjetorit të rënies heroike të Komandantit Legjendar të UÇK-së, Adem Jashari dhe familjes së tij, që njihet edhe si ”Nata e Zjarreve”, sonte do të ndizen zjarre në Prekaz.

 Dhe kështu  përfundojnë aktivitetet në kuadër të manifestimit treditor "Epopeja e UÇK-së"

Gjithashtu sonte do të mbahet edhe një  koncert në sheshin “Adem Jashari”.

“Nata e zjarreve” do të shënohet në gjithë Kosovën.

Gjatë dy ditëve të kaluara, të shtunë, është zhvilluar një manifestim në kazermën "Adem Jashari" të FSK, dhe të dielën është mbajtur Akademi Përkujtimore, dhe janë bërë homazhe ne Prekaz.

Prishtinë, 06 mars, 2011 - Ngjarjet e fillim marsit të vitit 1998 hynë në historinë më të re të Kosovës me tërë tragjedinë dhe madhështinë e vet, duke marrë shenjën e sakrificës sublime të njeriut dhe si të tilla u shndërruan në epopenë e lavdishme të UÇK-së, u tha në një akademi përkujtimore kushtuar komandantit Adem Jashari.

Nën përkujdesjen e Qeverisë së Kosovës, të dielën është mbajtur një akademi përkujtimore kushtuar komandantit legjendar të UÇK-së Adem Jashari dhe familjes së tij, e cila ra heroikisht për të mos vdekur kurrë 13 vjet më parë në Prekazin legjendar.

Të pranishëm në këtë akademi ishin struktura të larta të institucioneve të Kosovës, përfaqësues të organizatave të dala nga lufta e UÇK-së, por jo edhe i pari i vendit, Behgjet Pacolli.

Kryetari i Kuvendit të Kosovës, Jakup Krasniqi, ka thënë se falë luftës dhe sakrificës së Jasharajve dhe dëshmorëve tjerë ne sot po e përjetojmë lirinë dhe pavarësinë.

"5, 6 dhe 7 marsi i vitit 1998, vërtet hyri në historinë më të re të Kosovës me tërë tragjedinë dhe madhështinë e vet, ditët që në ritmin e vet brenda kalendarit do të ishin të rëndomta në rrethana të veçanta e morën shenjën e sakrificës sublime të njeriut dhe u shndërrua në Epope", ka thënë Krasniqi.

Ministri i Kulturës, Rinisë dhe Sporteve, Memli Krasniqi, ka theksuar se rënia e komandantit legjendar Adem Jashari ishte një frymëzim për idetë më sublime të humanizmit dhe të demokracisë të vendosura në themelet e idesë së luftës së popullit tonë për liri dhe pavarësi.

"Sot në 13 vjetorin e rënies në altarin e lirisë, po e përkujtojmë veprën e kryekomandantit të UÇK-së Adem Jashari, heroit të Kosovës, figurën madhështorë të udhëheqësit dhe të frymëzuesit tonë për liri, i cili skepticizmin dhe vetëmohimin të tij, dhe të familjes së tij i kapërceu kufijtë e reales dhe të mundshmes duke u shndërruar në frymëzim për brezin tonë dhe për brezat që do të vijnë", ka thënë Krasniqi.

Akademik Esat Stavileci, duke e çmuar lart veprën dhe kontributin e komandant Adem Jashari, porositi institucionet e vendit se sot më shumë se kurrë duhet të punojmë për të ndërtuar një shtet të fortë ashtu siç ishte synimi i luftëtarëve të lirisë.

"Sot përkulemi para varrezave të popullit e të kombit, përkujtojmë trimërinë dhe sakrificën e tyre për ta shkruar një faqe të re në historinë tonë për nxitjen, zhvillimin dhe përshpejtimin e proceseve për liri e pavarësi të Kosovës dhe të shqiptarëve", ka thënë ai.

Në emër të familjes Jashari, me një fjalë rasti të pranishmit i përshëndeti Bekim Jashari, i cili uroi të gjithë shqiptarët për këtë përvjetor, duke porositur se ka ardhur koha që të punojmë së bashku dhe ta çojmë vendin përpara.

"Tash 13 vite ne ishim në Gjermani, dhe kur ndodhi rasti dhe shumë njerëz aty dhe njëri nga shokët i tha, baca Rifat, shumë ke dhënë, baca Rifat, 56 anëtarë të familjes të fisit të Jasharëve, mbahu i fortë. Baca Rifat i tha do të mbahem i fortë. Po si të mos mbahem ai pat thënë, kam dhënë 56, por kam fituar 7 milionë", ka thënë Jashari.

Ai u ka bërë thirrje liderëve të vendit që të lënë anash inatet individuale, dhe të bashkohen për të mirën e vendi.

Për të pranishmit në këtë akademi është shfaqur edhe një program kulturor-artistik.

Prekaz, më 06 mars 2011 - Në 13-vjetorin e rënies heroike të komandantit legjendar Adem Jashari dhe familjes së tij, kryetari i Kuvendit të Kosovës, Jakup Krasniqi, ka bërë homazhe te Varrezat e Dëshmorëve në Prekazin legjendar.

Ai me këtë rast ka thënë se Prekazi legjendar paraqet përmasën e dhimbjes dhe lavdisë kombëtare të popullit shqiptar, i cili sot pasi aty krisën pushkët

"Ne e zgjodhëm Prekazin për të ardhur në këto ditë për shkak të përmasës së dhimbjes dhe lavdisë të nivelit kombëtar që e ka dhe jemi të bindur që duke nderuar këtë përmasë të lavdisë dhe të dhimbjes kombëtare, ne nderojmë gjithë familjet shqiptare në Kosovë, i nderojmë gjithë kombin shqiptar dhe historinë e dhimbshme të tij, por njëkohësisht edhe të lavdishme", ka thënë Krasniqi.

Prekaz, 06, mars, 2011 - Në ditën e dytë të manifestimeve “Epopeja e UÇK-së”, Prekazi sërish bashkoi zyrtarët më të lartë të vendit, të cilët bënë homazhe në përkujtim e nderim të sakrificës së familjes ikonë të çlirimit të Kosovës, familjen Jashari.

Në 13-vjetorin e rënies heroike të komandantit legjendar të UÇK-së, Adem Jashari dhe familjes së tij, presidenti i Kosovës, Behgjet Pacolli, ka bërë homazhe pranë Varrezave të Dëshmorëve në Prekazin legjendar. Ai me këtë rast ka thënë se Prekazi i bashkon të gjithë shqiptarët kudo që janë dhe se aty është vulosur pavarësia e Kosovës.

"Prekazi është një vend që i bashkon të gjithë shqiptarët jo vetëm nga Kosova, por nga të gjitha trojet dhe diaspora. Lavdi dëshmorëve tanë, u qoftë i lehtë dheu i Kosovës. Këtu është vulosur pavarësia e Kosovës, të cilën ne e gëzojmë sot. Lavdi edhe njëherë të gjithë dëshmorëve që kanë rënë për lirinë e Kosovës", ka thënë Pacolli.

Prekaz, më 06 mars 2011 - Kryeministri i Kosovës, Hashim Thaçi, ka thënë se 13-vjet pas rënies heroike të komandantit legjendar Adem Jashari vendi ynë është në rrugë të sigurt drejt integrimit në NATO dhe Bashkimin Evropian (BE).

Ai këto komente i bëri me rastin e homazheve te Varrezat e Dëshmorëve në Prekazin legjendar, ku së bashku me zyrtarë të tjerë të Qeverisë së Kosovës kanë nderuar veprën dhe sakrificën sublime të kryekomandantit legjendar Adem Jashari.

"Sot populli i Kosovës bën nderime shtetërore për komandantin legjendar Adem Jashari, familjen e tij, gjithë sakrificën e ushtarëve të UÇK-së, sakrificën e popullit të Kosovës. Sot kemi një ditë të bashkimit, e afrimit, e respektit për të kaluarën dhe për të marrë energji për të ardhmen, prandaj në emër të Republikës së Kosovës bëmë nderime shtetërore më të larta për komandantin legjendar Adem Jashari. Ne kemi fituar lirinë, kemi fituar pavarësinë, po e ndërtojmë shtetin tonë, jemi në rrugë të sigurt për t'u anëtarësuar në NATO dhe BE, prandaj në 13-vjetorin e rënies heroike të komandanti legjendar Adem Jashari Kosova është në rrugë të mbarë, në rrugë të suksesit, është një garanci e plotë për të ardhmen e saj euroatlantike", ka thënë kryeministri Thaçi.

Prekaz, 06, mars, 2011 - Në orët e para të ditës së dytë të manifestimeve “Epopeja e UÇK-së”,  Prekazi sërish bashkoi zyrtarët më të lartë të vendit, të cilët me homazhe përkujtuan e nderuan sakrificën e familjes ikonë të çlirimit të Kosovës, familjen Jashari.

Përveç,  vizitave nga delegacione të institucioneve qeveritare, partiake e joqeveritare, Prekazi është vizituar edhe nga shumë nxënës, dhe shumë qytetarë, të cilët kishin ardhur për ta nderuar figurën e Komandantin Legjendar të UÇK-së, Adem Jashari dhe gjithë dëshmoret e tjerë.

Për çdo vit bëhen homazhe të shumta tek Kompleksi Memorial  “Adem  Jashari”, dhe tek familja Jashari.

Ndërsa, Rifat Jashari falënderoi për vizitat dhe përkrahjen e gjithë popullit shqiptar dhe porositi që të lihen anash inatet personale në mënyrë që Kosova shkojë në binarë të duhur.

Prekaz, 5 mars - Në përvjetorin e 13-të të luftës në Prekaz, Kompleksi dhe familja Jashari janë vizituar nga shumë qytetarë dhe nga pak delegacione të institucioneve qeveritare, partiake e joqeveritare.
Delegacioni i parë ka qenë ai i Rektoratit të Universitetit të Prishtinës. Rektori Mujë Rugova, pasi bëri homazhe tha shkurt se “Ka ardhur për të shprehur respektin e përjetshëm për Familjen Jashari dhe të gjithë dëshmorët e tjerë. Jasharët nga një u bëfshin një milion”. Ai ka vizituar edhe familjen Jashari të cilës ia ka dorëzuar bustin e Adem Jasharit, të punuar në bronz nga një student i Akademisë se Arteve.  
Rifat Jashari, ka falënderuar për vizitat dhe përkrahjen e gjithë popullit shqiptar dhe ka porositur që “të lihen anash inatet personale dhe të qitet Kosova në binar të duhur”.

Ahmet Isufi (AAK)  tha se 5 marsi na kujton ditët më të lavdishme te Jasharajve, UÇK-së, popullit tonë dhe luftës së tij për liri. Kjo datë na mobilizon qe te jemi edhe më shumë në detyrat qe i nevojiten vendit tonë për ta zhvilluar dhe ngritur edhe më lartë edhe lavdinë e UÇK-së edhe krijimin e një jete më të mirë për qytetarët e Kosovës. Është ditë që na bashkon të gjithëve rreth një ideali për një jetë më të mirë dhe për të nderuar gjithmonë sakrificën e Jasharëve dhe të gjithë atyre që kanë rënë për lirinë e Kosovës.

Albin Kurti (VV), ndërkaq, rikujtoi se këtu janë sakrifikuar 3 breza të familjes Jashari për çlirimin e vendit dhe lirinë e popullit tonë. Kosova që kemi sot nuk është Kosova e amaneteve dhe idealeve të dëshmorëve, por ne jemi në nivel të detyrës atëherë kur e kuptojmë se liria e vërtetë është vetëm liria e plotë dhe liria për të gjithë. I pyetur se a do të vije edhe nesër qe është Dita e Dëshmorëve, Kurti  tha se sot kemi ardhur me rastin e 13 vjetorit të rënies heroike të Adem Jasharit, por VV do të marr pjesë edhe në manifestimet qe organizohen nesër, në Ditën e Dëshmorëve.
Homazhe kanë bërë edhe delegacionet e  komunave Malishevës  e Vushtrri, mandej pjesëmarrësit e turneve që mbahen në kuadër të  Javës “Jetojmë me lavdinë tuaj”, e qytetarë të shumtë.

Nën përkujdesjen e Qeverisë së Kosovës, të shtunën ka nisur manifestimi treditor “Epopeja e UÇK-së”, me rastin e 13-vjetorit të rënies heroike të komandantit legjendar të UÇK-së, Adem Jashari dhe familjes së tij.

Me këtë rast Forca e Sigurisë së Kosovës organizoi manifestimin qendror me moton “Nderojmë Historinë- Ndërtojmë të Ardhmen”, në kazermën “Adem Jashari”, në të cilën morën pjesë drejtues të institucioneve shtetërore të Kosovës, ministra të kabinetit qeveritar, deputetë, anëtarë të familjes Jashari, përfaqësues të komuniteteve fetare etj.

Me këtë rast, presidenti Pacolli ka thënë se themelet e shtetit tonë janë të forta falë gjakut të dëshmorëve dhe miqve tanë ndërkombëtarë, ndërsa tash duhet të punojmë për ndërtimin e shtetit të Kosovës.

“Jeta e një shteti të ri ka nevojë për simbole të forta, rreth tyre forcohet ndërgjegjja kombëtare, inspirimet e gjeneratës së re, ato shërbejnë si pyka referimi për klasën politike. Simbolit të lirisë sonë, komandantit legjendar, Adem Jasharit dhe heronjve tjerë Zahir Pajaziti, Luan e Shkëlzen Haradinaj, Agim Ramadani, Fehmi dhe Xhevë Lladrofci e gjithë dëshmorët tjerë të kombit kanë vendos themelet e shtetit tonë”, ka thënë ai.

Ndërsa, kryeministri i Kosovës, Hashim Thaçi, ka thënë se lufta heroike e komandantit legjendar Adem Jashari dhe familjes së tij bashkoi gjithë shqiptarët kudo që janë ata në luftën për liri.

“13 vjet më parë familja Jashari, komandanti legjendar Adem Jashari, gjithë Kosova u zgjuan në një betejë për liri, për shtet, për bashkim. Atë ditë pushka e komandantit legjendar Adem Jashari, familjes së tij, bashkëluftëtarëve të tij, bashkoi gjithë Kosovën, bashkoi gjithë shqiptarët kudo që jetonin, Shqipëri, Maqedoni, Preshevë, Medvegjë e Bujanovc, Ulqin dhe kudo në diasporë, në Evropën Perëndimore dhe SHBA. Atë ditë u bashkua Kosova, u bashkuan shqiptarët, por edhe zgjuan gjithë komunitetin ndërkombëtar me vëmendjen për Kosovën si kurrë ndonjëherë më parë në historinë e saj, prandaj 5 marsi është dita e gëzimit të madh dhe bashkimit të të gjithë shqiptarëve, por është edhe dita e zgjimit të ndërgjegjes ndërkombëtare për lirinë dhe pavarësinë e Kosovës”, ka thënë Thaçi.

Ministri i Forcës së Sigurisë (MFSK), Agim Çeku, ka thënë se jemi krenar që jemi bashkëkombës të komandantit legjendar Adem Jashari dhe familjes Jashari, të cilët sakrifikuan jetën e tyre që Kosova sot të gëzojë lirinë.

“Në këtë ditë ne shohim lavdinë tonë, i shohim të arriturat tona dhe të ardhmen tonë. Është dashur të bëjmë sakrifica të ndryshme për të arritur qëllimin tonë, krijimin e shtetit, tani është koha ta çojmë përpara këtë qëllim. Dhe këtë qëllim mund ta çojmë përpara duke ndërtuar shtet dhe institucione të fuqishme dhe me kredibilitet”, ka thënë ai. Ministri Çeku është zotuar se do të vazhdohet me punën për krijimin e FSK-së si forcë profesionale, në përputhje me standardet më të larta të NATO-s, ndërkohë që do të punohet për integrimin e vendit në strukturat euroatlantike.

Ndërkaq, në emër të familjes Jashari, të pranishmit me një fjalë rasti i përshëndeti, Bekim Jashari, i cili uroi që FSK-ja sa më shpejt të jetë partnere e NATO-s.

“Uroj që festat e ardhshme të festojmë ashtu siç duhet, por njëkohësisht, ushtria jonë Forca e Sigurisë së Kosovës, ashtu siç duket sot në një ditë sa më të afërt të jetë partnere e NATO-s “, ka thënë Jashari.