Name :*
SurName :*
Password :*
Confirm the password :*
:
:
:
 
:
:
:
:
:
:
:
:
:
:
:
Rexhep Qosja: Çlirimtarët e Kosovës

Jam i nderuar që edhe sivjet flas ne ketë akademi. Është kjo akademi me të cilën e shënojmë Epopenë e Ushtrisë Çlirimtare të Kosovës, me të cilën nderojmë themeluesin e Ushtrisë Çlirimtare të Kosovës; nismëtarin dhe Kryetrimin e Luftës Çlirimtare, Adem Jasharin; me të cilën nderojmë dëshmorët e kombit që u flijuan për lirinë dhe pavarësinë e Kosovës; me të cilën nderojmë pjesëtarët e Ushtrisë Çlirimtare të Kosovës - çlirimtarët e rënë dhe çlirimtarët e gjallë të Kosovës. s në këtë akademi përkujtimore tashmë të çdovitshme.

Cilësori çlirimtar është cilësori më i bukur, më domethënës, me vlerë më të madhe se çdo cilësor tjetër, që mund të meritojë njeriu. Me të cilësohen ata që jetën e kuptojnë si luftë dhe si sakrificë për popullin e vet.
Për këto arsye ne të gjithë do të duhej të ndiejmë obligim të pamatshëm dhe të gjithmonshëm ndaj Adem Jasharit dhe familjes së tij, e cila lirisë dhe pavarësisë së Kosovës ia fali jo vetëm një, dy, tre a katër burra, babë, nënë e gra, por edhe djem, vajza, fëmijë, që do të rriteshin e të bëheshin prindër të shumë të lindurve të tjerë; obligim ndaj dëshmorëve që dhanë jetën për Kosovën e lirë e të pavarur; obligim ndaj çlirimtarëve, të cilët rrokën armën të vetëdijshëm se prej armës mund të vdesin në luftën që bënin.
Si çdo herë kur flas për luftën e UÇK-së ashtu edhe në këtë akademi; si çdo herë kur flas për dëshmorët ashtu edhe në këtë akademi; si çdo herë kur flas për bëmën madhështore të Adem Jasharit dhe të Familjes së tij historike ashtu edhe në këtë akademi, unë nuk mund të mos flas pa përkushtim të jashtëzakonshëm ndjenjor dhe mendor në të cilin është i përmbajtur adhurimi im i jashtëzakonshëm për heroizmin dhe largpamësinë e tyre.
Pse përkushtim ndjenjor? Sepse të gjithë ata vetëdijshëm u nisën në rrugën e flijimit; të flijimit që fëmijët tanë të mund të rriten të lumtur, që të rinjtë tanë të mund të jetojnë të sigurt në atdheun e tyre, që pleqtë tanë të mund ta kalojnë të qetë e të pafyer pleqërinë!
Pse mendor? Sepse ata e kishin kuptuar, kur, ne, të tjerët, nuk donim takuptonim, se politika pa veprim për një popull të pushtuar e të shtypur, siçishte populli shqiptar në Kosovë, është mashtrim i popullit.
Ata e kishin kuptuar mirë se fitorja, në fund, nuk i takon vetëm të fortit, aq më pak pushtuesit, por të guximshmit dhe atij që bën luftë të drejtë. Ata e dinin dhe besonin, se disa mija që mbrojnë të drejtën për të jetuar të lirë në tokën e vet, janë më të fortë se qindra mija që bëjnë luftë pushtuese.
Ata e kishin kuptuar se këshillave të këshillëdhënësve të huaj duhej t’u besohej më pak se ç’dëshironim t’u besonim, sepse herët më të shpeshta ata të këshillojnë duke pasur parasysh interesat e veta e jo tuat. Për këtë arsye çlirimtarët tanë nuk qenë të gatshëm të pranojnë këshillat e shteteve të mëdha evropiane, që ishin kundër çdo qëndrese në Kosovë. Si mund të quhej i sinqertë ky mësim që jepej prej atyre shteteve që krejt historinë e kanë luftëra: luftëra mbrojtëse, luftëra çlirimtare, sidomos luftëra pushtuese dhe koloniale?!
Ata e kishin mësuar më mirë se gjithë ne të tjerët atë mësimin që mendimtarët e mëdhenj evropianë e kishin formuluar shekuj më parë: është mëkat t'i shtypësh të tjerët, por është mëkat edhe të durosh shtypjen.
Ata, çlirimtarët tanë, e dinin, njëkohësisht, se shtetet e mëdha evropiane që na këshillonin paqen, durimin e dhunës, gjithmonë i kishin shpërfillur popujt që për lirinë e vet nuk kishin bërë më shumë përpos se ishin lutur dhe kishin folur!
E gjithë kjo që e kanë bërë ata për popullin e vet, na obligon ne të bëjmë ç’na takon neve të bëjmë, që në kujtesën e popullit, domethënë në historinë e tij, t’u jepet vendi i merituar, i cili ende nuk u është dhënë. E, do t’u jepet vendi historik, që në historinë tonë më të re vetëm atyre u takon, kur neve të na bëhet e qartë, se për çdo shtet serioz, tekstet e historisë janë çështje shumë serioze shtetërore, në të cilat nuk duhet të lejohen improvizime që janë aq të dukshme në tekstet tona historike. Vendimi i Ministrisë së Aarsimit, Shkencës dhe Teknologjisë që ora e parë e mësimit në të gjitha shkollat e Kosovës më 5 mars t’i kushtohet Epopesë së UÇK-së dhe rënies së Trimit legjendar, Adem Jashari, tregon se punët po ndryshojnë për të mirë në këtë pikëpamje.
E gjithë kjo që kanë bërë ata për popullin e vet na obligon neve që të ruajmë idealet dhe vlerat me të cilat janë rritur ata dhe prej të cilave janë frymëzuar ata që të rrokin armët dhe të luftojnë për lirinë dhe pavarësinë e Kosovës: që të ruajmë ato ideale e vlera prej atyre të cilët po përpiqen që kufirin midis Kosovës dhe Shqipërisë ta bëjnë sa më të lartë në vend se të dëshirojnë të rrafshohet plotësisht; që të ruajmë njësinë e kombit prej atyre që do të donin që prej kombit shqiptar të bëjnë dy kombe të ndryshme; që të ruajmë gjuhën e njësuar letrare kombëtare si vlerën më të madhe kombëtare prej atyre që do të donin ta ndajnë në dy gjuhë dialektore letrare; që të ruajmë ato ideale e vlera edhe prej një vargu sjelljesh e veprimesh cenuese e të papranueshme për të cilat nuk dua të flas këtu.
Në Greqinë e lashtë, në kohën e Homerit, për nder të heroit të rënë në luftë, ndizej zjarr i madh. Dhe, rreth atij zjarri ecnin shokët, miqtë dhe adhuruesit e tij: ecnin duke hedhur në atë zjarr ato që donin më së shumti: kush kalin, kush robin e kush vetveten. Prej shokëve dhe miqve të heronjve tanë të rënë në luftë nuk mund të kërkojmë aq shumë. Aq më pak mund të kërkojmë aq shumë prej të tjerëve. Mos të hedhim në zjarr ato që duamë. Por, të mos harrojmë kurrë: liria dhe pavarësia e Kosovës është vepër e largpamësisë dhe heroizmit të tyre.

Ta përfundoj këtë fjalë.

Adem Jasharin, gjithë të rënët e familjes së tij historike, dëshmorët e kombit, t’i nderojmë sonte me mburrje duke shqiptuar fjalinë që përgjithmonë do të jetë e shënuar në historinë shqiptare: emrat e tyre dhe heroizmi i tyre do të jetojnë derisa do të jetojë kombi shqiptar, e kjo do të thotë përgjithmonë.

Email to send to: *
Your name: *
Your E-mail: *
KOMENTET
Name
Content
Ne mbajmë të drejtën e fshirjes së komenteve që thyejnë rregullat e portalit.

Zëvendëskryeministri dhe ministri i Punëve të Jashtme i Shqipërisë, Edmond Haxhinasto, gjatë një vizite dyditëshe  në Republikën e Kosovës ka vizituar edhe Kompleksin Memorial “Adem Jashari” si dhe familjen Jashari në Prekaz.

Shefi i diplomacisë shqiptare me ç’rast ka vlerësuar lart kontributin e Jasharëve për kombin shqiptar.

Ai gjatë vizitës në Prekaz është pritur nga Murat Jashari.

Prekaz, 7 mars – Manifestimi tradicional treditor Epopeja e Ushtrisë Çlirimtare të Kosovës, është përmbyllur me “Natën e zjarreve”, të hënën mbrëma, në orën 18:00, duke filluar në Prekaz me ndezjen e flakadanëve dhe zjarrit qendror e për të përfunduar natën vonë në sheshin “Adem Jashari” në Skenderaj me koncertin e madh dhe me ndezjen e fishekzjarrëve të shumta.
Manifestimi i kushtohet rënies heroike të komandantit legjendar, Adem Jashari, dhe 55 Jasharëve dhe bashkëluftëtarëve tjerë të tij, të cilët para 13 vjetësh, për 3 ditë e 3 net rresht, u kishin rezistuar sulmeve barbare të forcave policore e paramilitare serbe.
Sipas skenarit tashme tradicional, pikërisht në orën 18:00, kur terri fillon ta mposhtë dritën, sikur qe robëria serbe kishte pushtuar Kosovën për gati një shekull, në kullat e Jasharëve dhe në bunkerin e legjendarit, në pyllin sipër lagjes Jashari, ndizen flakadanë të shumtë, të cilët me ndriçimin e tyre simbolizojnë ndezjen e  shkëndijave të lirisë, të para 13 vjetësh.
Të rinj e të reja, të veshur me uniforma të UÇK-së dhe veshje kombëtare, me flakadanë në duar, nisen nga Varrezat e Dëshmorëve, në të cilat prehen heronjtë e asaj lufte heroike. Dhe derisa flakadanët u vendosën përreth kompleksit të varrezave, gjimnazistët vunë nga një buqetë lulesh mbi secilin varr të 49 dëshmorëve sa janë në këtë kompleks, emrat e të cilëve nga udhëheqësi i manifestimit, para mijëra qytetarëve të tubuar, u përmenden emër për emër.
Ndërkohë, është ndezur zjarri i madh, flaka e të cilit është shpërndarë gjithandej, ashtu sikur që para 13 vjetësh ishte shpërndarë nga këtu zjarri i luftës dhe kushtrimi i legjendarit Adem Jashari, të cilit i janë përgjigjur liridashësit kudo që ishin. Ndezja e këtij zjarri është pasuar nga ndezja e zjarreve të tilla në të gjitha fushëbetejat e luftës së UÇK-së, anekënd Kosovës.
 Pas përfundimit të ceremonisë së ndezjes se flakadanëve dhe zjarrit, në Prekaz, pjesëmarrësit i janë drejtuar qytetit të Skenderajt, për të marrë pjesë në koncertin e madh me pjesëtarët e estradës, i cili është mbajtur në sheshin “Adem Jashari”. Në nderim të këtij përvjetori janë ndezur edhe fishekzjarrë të shumtë.
Kësaj radhe, deri në momentin e raportimit,  nuk janë vërejtur liderëttanë shtetërorë, politikë apo ushtarakë. Bekim Jashari, i pranishëm në këtëtubim, përmes medieve ka falënderuar pjesëmarrësit dhe ka shfrytëzuar rastinedhe një herë të apelojë për unitet të udhëheqjes sonë.  

Në ditën e tretë, të manifestimit treditor “Epopeja e UÇK-së”, me rastin e 13-vjetorit të rënies heroike të Komandantit Legjendar të UÇK-së, Adem Jashari dhe familjes së tij, që njihet edhe si ”Nata e Zjarreve”, sonte do të ndizen zjarre në Prekaz.

 Dhe kështu  përfundojnë aktivitetet në kuadër të manifestimit treditor "Epopeja e UÇK-së"

Gjithashtu sonte do të mbahet edhe një  koncert në sheshin “Adem Jashari”.

“Nata e zjarreve” do të shënohet në gjithë Kosovën.

Gjatë dy ditëve të kaluara, të shtunë, është zhvilluar një manifestim në kazermën "Adem Jashari" të FSK, dhe të dielën është mbajtur Akademi Përkujtimore, dhe janë bërë homazhe ne Prekaz.

Prishtinë, 06 mars, 2011 - Ngjarjet e fillim marsit të vitit 1998 hynë në historinë më të re të Kosovës me tërë tragjedinë dhe madhështinë e vet, duke marrë shenjën e sakrificës sublime të njeriut dhe si të tilla u shndërruan në epopenë e lavdishme të UÇK-së, u tha në një akademi përkujtimore kushtuar komandantit Adem Jashari.

Nën përkujdesjen e Qeverisë së Kosovës, të dielën është mbajtur një akademi përkujtimore kushtuar komandantit legjendar të UÇK-së Adem Jashari dhe familjes së tij, e cila ra heroikisht për të mos vdekur kurrë 13 vjet më parë në Prekazin legjendar.

Të pranishëm në këtë akademi ishin struktura të larta të institucioneve të Kosovës, përfaqësues të organizatave të dala nga lufta e UÇK-së, por jo edhe i pari i vendit, Behgjet Pacolli.

Kryetari i Kuvendit të Kosovës, Jakup Krasniqi, ka thënë se falë luftës dhe sakrificës së Jasharajve dhe dëshmorëve tjerë ne sot po e përjetojmë lirinë dhe pavarësinë.

"5, 6 dhe 7 marsi i vitit 1998, vërtet hyri në historinë më të re të Kosovës me tërë tragjedinë dhe madhështinë e vet, ditët që në ritmin e vet brenda kalendarit do të ishin të rëndomta në rrethana të veçanta e morën shenjën e sakrificës sublime të njeriut dhe u shndërrua në Epope", ka thënë Krasniqi.

Ministri i Kulturës, Rinisë dhe Sporteve, Memli Krasniqi, ka theksuar se rënia e komandantit legjendar Adem Jashari ishte një frymëzim për idetë më sublime të humanizmit dhe të demokracisë të vendosura në themelet e idesë së luftës së popullit tonë për liri dhe pavarësi.

"Sot në 13 vjetorin e rënies në altarin e lirisë, po e përkujtojmë veprën e kryekomandantit të UÇK-së Adem Jashari, heroit të Kosovës, figurën madhështorë të udhëheqësit dhe të frymëzuesit tonë për liri, i cili skepticizmin dhe vetëmohimin të tij, dhe të familjes së tij i kapërceu kufijtë e reales dhe të mundshmes duke u shndërruar në frymëzim për brezin tonë dhe për brezat që do të vijnë", ka thënë Krasniqi.

Akademik Esat Stavileci, duke e çmuar lart veprën dhe kontributin e komandant Adem Jashari, porositi institucionet e vendit se sot më shumë se kurrë duhet të punojmë për të ndërtuar një shtet të fortë ashtu siç ishte synimi i luftëtarëve të lirisë.

"Sot përkulemi para varrezave të popullit e të kombit, përkujtojmë trimërinë dhe sakrificën e tyre për ta shkruar një faqe të re në historinë tonë për nxitjen, zhvillimin dhe përshpejtimin e proceseve për liri e pavarësi të Kosovës dhe të shqiptarëve", ka thënë ai.

Në emër të familjes Jashari, me një fjalë rasti të pranishmit i përshëndeti Bekim Jashari, i cili uroi të gjithë shqiptarët për këtë përvjetor, duke porositur se ka ardhur koha që të punojmë së bashku dhe ta çojmë vendin përpara.

"Tash 13 vite ne ishim në Gjermani, dhe kur ndodhi rasti dhe shumë njerëz aty dhe njëri nga shokët i tha, baca Rifat, shumë ke dhënë, baca Rifat, 56 anëtarë të familjes të fisit të Jasharëve, mbahu i fortë. Baca Rifat i tha do të mbahem i fortë. Po si të mos mbahem ai pat thënë, kam dhënë 56, por kam fituar 7 milionë", ka thënë Jashari.

Ai u ka bërë thirrje liderëve të vendit që të lënë anash inatet individuale, dhe të bashkohen për të mirën e vendi.

Për të pranishmit në këtë akademi është shfaqur edhe një program kulturor-artistik.

Prekaz, më 06 mars 2011 - Në 13-vjetorin e rënies heroike të komandantit legjendar Adem Jashari dhe familjes së tij, kryetari i Kuvendit të Kosovës, Jakup Krasniqi, ka bërë homazhe te Varrezat e Dëshmorëve në Prekazin legjendar.

Ai me këtë rast ka thënë se Prekazi legjendar paraqet përmasën e dhimbjes dhe lavdisë kombëtare të popullit shqiptar, i cili sot pasi aty krisën pushkët

"Ne e zgjodhëm Prekazin për të ardhur në këto ditë për shkak të përmasës së dhimbjes dhe lavdisë të nivelit kombëtar që e ka dhe jemi të bindur që duke nderuar këtë përmasë të lavdisë dhe të dhimbjes kombëtare, ne nderojmë gjithë familjet shqiptare në Kosovë, i nderojmë gjithë kombin shqiptar dhe historinë e dhimbshme të tij, por njëkohësisht edhe të lavdishme", ka thënë Krasniqi.

Prekaz, 06, mars, 2011 - Në ditën e dytë të manifestimeve “Epopeja e UÇK-së”, Prekazi sërish bashkoi zyrtarët më të lartë të vendit, të cilët bënë homazhe në përkujtim e nderim të sakrificës së familjes ikonë të çlirimit të Kosovës, familjen Jashari.

Në 13-vjetorin e rënies heroike të komandantit legjendar të UÇK-së, Adem Jashari dhe familjes së tij, presidenti i Kosovës, Behgjet Pacolli, ka bërë homazhe pranë Varrezave të Dëshmorëve në Prekazin legjendar. Ai me këtë rast ka thënë se Prekazi i bashkon të gjithë shqiptarët kudo që janë dhe se aty është vulosur pavarësia e Kosovës.

"Prekazi është një vend që i bashkon të gjithë shqiptarët jo vetëm nga Kosova, por nga të gjitha trojet dhe diaspora. Lavdi dëshmorëve tanë, u qoftë i lehtë dheu i Kosovës. Këtu është vulosur pavarësia e Kosovës, të cilën ne e gëzojmë sot. Lavdi edhe njëherë të gjithë dëshmorëve që kanë rënë për lirinë e Kosovës", ka thënë Pacolli.

Prekaz, më 06 mars 2011 - Kryeministri i Kosovës, Hashim Thaçi, ka thënë se 13-vjet pas rënies heroike të komandantit legjendar Adem Jashari vendi ynë është në rrugë të sigurt drejt integrimit në NATO dhe Bashkimin Evropian (BE).

Ai këto komente i bëri me rastin e homazheve te Varrezat e Dëshmorëve në Prekazin legjendar, ku së bashku me zyrtarë të tjerë të Qeverisë së Kosovës kanë nderuar veprën dhe sakrificën sublime të kryekomandantit legjendar Adem Jashari.

"Sot populli i Kosovës bën nderime shtetërore për komandantin legjendar Adem Jashari, familjen e tij, gjithë sakrificën e ushtarëve të UÇK-së, sakrificën e popullit të Kosovës. Sot kemi një ditë të bashkimit, e afrimit, e respektit për të kaluarën dhe për të marrë energji për të ardhmen, prandaj në emër të Republikës së Kosovës bëmë nderime shtetërore më të larta për komandantin legjendar Adem Jashari. Ne kemi fituar lirinë, kemi fituar pavarësinë, po e ndërtojmë shtetin tonë, jemi në rrugë të sigurt për t'u anëtarësuar në NATO dhe BE, prandaj në 13-vjetorin e rënies heroike të komandanti legjendar Adem Jashari Kosova është në rrugë të mbarë, në rrugë të suksesit, është një garanci e plotë për të ardhmen e saj euroatlantike", ka thënë kryeministri Thaçi.