Name :*
SurName :*
Password :*
Confirm the password :*
:
:
:
 
:
:
:
:
:
:
:
:
:
:
:
„Gjithë çka kishte të shenjët shqiptaria, kishte zbritur në supet e tija“

Janë bërë dhjetë vjet (shkruar me 2008) që nga rënia e Adem Jasharit dhe e anëtarëve të tjerë të familjes Jasharaj. Janë bërë dhjetë vjet nga dita e kësaj bëme familjare të jashtëzakonshme, të pashembulltë jo vetëm në historinë shqiptare, por edhe në historinë evropiane. Janë bërë dhjetë vjet nga kjo rënie madhështore, që e ka tronditur shpirtin tonë, që e ka lëvizur historinë tonë të re dhe e ka përshpejtuar ardhmërinë tonë. Kur flitet për sakrificën e Adem Jasharit dhe të familjes së Jasharajve, njëkohësisht i kujtojmë me pietet të madh të gjithë dëshmorët e kombit; dhe i kujtojmë me pietet të gjithë ata që në mënyrat më të ndryshme jasnë sakrifikuar për Kosovën; dhe i kujtojmë me dhembje të madhe të gjithë ata të cilëve ende nuk u dihen varret. Përvjetorin e dhjetë të rënies së Adem Jasharit e të Jasharajve të tjerë e shënojmë pas një ngjarjeje të madhe për historinë tonë: e shënojmë vetëm tri javë pas shpalljes së pavarësisë së Kosovës. Kosova është bërë shtet i lirë, i pavarur dhe ndërkombëtarisht i njohur. Kompetencat që mbi mëvetësinë e saj do të kenë përfaqësuesit e OKB-së e, mandej, të Misionit të Bashkimit Evropian, janë të përkohshme dhe kur të kalojë koha e tyre, Kosova do të mund të quhet sovrane.


         Një padrejtësi e madhe, e filluar në Kongresin e Berlinit, më 1878, dhe e ngritur në shkallën e tragjedisë kombëtare në Konferencën e Ambasadorëve në Londër, më 1912-1913, që është bërë shkaku i prapangeljes në zhvillimin e përgjithshëm, i varfërisë dhe i shumë dhembjeve e tragjedive gati njëshekullore në jetën e popullit shqiptar, në masë të madhe është ndrequr. Me përjashtim të Rusisë që po e vazhdon politikën e saj të padrejtë, tradicionale, ndaj popullit shqiptar, shtetet e mëdha evropiane, të cilat atëherë e kishin shkoqur Kosovën prej tërësisë së saj natyrore, gjeografike dhe demografike, më në fund e dëgjuan profetizimin e ministrit të atëhershëm të Jashtëm britanik, Eduard Grei, i cili në fund të Konferencës së Londrës, tha: “Morëm një vendim të padrejtë që herëdokurdo do të jetë e domosdoshme të rishqyrtohet”.


         Nuk ka dyshim se SHBA-të janë shteti që ushtroi ndikimin më të madh në ndryshimin e pozitës historike të Kosovës dhe, me të, të popullit shqiptar në tërësi: janë shteti i cili luajti rolin vendimtar në përcaktimin e statusit të Kosovës dhe në njohjen e saj ndërkombëtare. Le të thuhet se politika e SHBA-ve ndaj Kosovës dhe ndaj popullit shqiptar e shënoi historinë e re ballkanike dhe i përcaktoi ndjenjat tona ndaj tyre.


         Në shënimin e 10-vjetorit të rënies së Adem Jasharit dhe të anëtarëve të tjerë të familjes Jasharaj, nuk mund të mos theksohet se në fatin e Kosovës, rol të veçantë ka pasur shteti, të cilin shumë breza e kanë quajtur shteti amë – Shqipëria. Pa të, nuk do të mund të bëhej ashtu siç është bërë as lufta çlirimtare. Ajo e bëri atë që ishte e natyrshme, që ishte e ashmangshme: e bëri atë që e bën vëllai për vëllanë.

 
         Por, ç’të them për luftën e UÇK-së dhe për bëmën e Adem Jasharit dhe të familjes së Jasharajve? Do të them: ajo nuk është bëmë e zakonshme. Ajo është bëmë historike. Si e tillë ajo ka domethënie të madhe, me shtrirje të gjerë në hapësirën kombëtare dhe me shtrirje të gjatë në kohën kombëtare. E siç e dimë, shtrirje të tillë, të pakufizuar në kohë dhe të pakufizuar në hapësirë, kanë mitet. Kemi të bëjmë, pra, me një bëmë reale, që pashmangshëm merr kuptimin e bëmës për të gjitha kohët: është tepër e pazakonshme, tepër e jashtëzakonshme, tepër përshtypjelënëse në ndjenjat dhe në vetëdijen e njerëzve. Si e tillë ajo nuk mund të çmitizohet kurrë!


         Pse them kështu?


         Them kështu për arsye se Adem Jashari me vetëflijimin e tij, e të familjes së tij, të bërë në kushte të jashtëzakonshme dhe në mënyrë të jashtëzakonshme, e tregoi atë që fati vetëm atij ia kishte paracaktuar që ta tregonte në një mënyrë aq dramatike: tregoi se populli shqiptar është popull historikisht i pjekur për të bërë sakrificat më të shtrenjta për liri.


         Në kushte të jashtëzakonshme, Adem Jashari gjykoi jashtëzakonshëm: në qoftë se popullit tim i duhet jeta ime unë do t’ia jap.

         Dhe, ia dha.


         Dhe shumë më shumë se kaq! Në kushte të jashtëzakonshme, Adem Jashari gjykoi edhe më jashtëzakonshëm: në qoftë se popullit tim i duhet jeta e familjes sime, unë do t’ia jap.
         Dhe, ia dha.

         Në këtë planet nuk do të duhej të kishte ushtri dhe polici që ka një kodeks moral, që do të hynte në luftë kundër një familjeje, por, ja, u gjet një ushtri dhe u gjet një polici që e bëri këtë krim të shumëfishuar! Dhe, ne, tani, mund të themi: me vendosmërinë e tij, me kodeksin e tij moral, me aktin vetëflijues, Adem Jashari e kaloi masën e njeriut të zakonshëm. Dhe, u bë i jashtëzakonshëm. Me vetëflijimin e tij e të familjes së tij, Adem Jashari ia tregoi botës fuqinë morale të popullit shqiptar; shpirtin çlirimtar të popullit shqiptar; vendosmërinë që do të ketë populli shqiptar në luftën për liri dhe pavarësi.


         Mënyra e vetëflijimit të Adem Jasharit dhe të familjes së tij u përcolli ashtu të huajve një mesazh shumë të rëndësishëm për popullin shqiptar, që i bëri të mendonin: populli me këso vendosmërie, me kësi morali, me kësi karakteri nuk mund të mbahet i pushtuar gjatë pavarësisht prej dhunës dhe pavarësisht prej krimeve që mund t’i bëjë pushtuesi.


         Dhe, ky mesazh, që bëma e Adem Jasharit dhe e Jasharajve të tjerë ua çoi të huajve, na bëri të mundshme ne, të gjallëve këtu, në Prishtinë, dhe kudo që mund të ishim tjetër, që t’u thoshim ndërkombëtarëve që vinin këtu, gjithnjë e më rrallë në verën e vitit 1998, dhe që po pritnin që ushtria dhe policia serbe të asgjësonin UÇK-në dhe të paqësonin Kosovën: mos kini iluzione! UÇK-ja nuk zhduket! Ajo është si feniksi: ajo ringjallet prej hirit të vet – se ajo është thelbi shpirtëror çlirimtar i popullit shqiptar.

  

         Dhe, ashtu ndodhi.


         Me vetëflijimin e tij dhe të familjes së tij, Adem Jashari në të vërtetë e dramatizoi gjendjen, e dramatizoi fatin e popullit shqiptar nën sundimin e regjimit serb deri në shkallën që shqetësoi pambarimisht shumë Evropën ,SHBA-të dhe ndërgjegjen e botës demokratike në përgjithësi. Nuk duhet mendje e veçantë për të parë, duhet vetëm moral intelektual për të thënë, se lufta e UÇK-së po bëhej dhe bëma mbinjerëzore e Adem Jasharit dhe e familjes Jasharaj ndodhi në çastet më vendimtare për lirinë e Kosovës: kur e ashtuquajtura rezistencë paqësore ishte bërë bashkëjetuese me dhunën ; kur inteligjencia në masë të madhe ishte larguar prej popullit; kur burokracia partiake gjithnjë e më dukshëm po i shtonte privilegjet e veta; kur retorika politike ishte kthyer në demagogji patriotike; domethënë: kur sasia e përmbajtjeve jo të shëndosha në politikën legale partiake ishte shtuar shumë.

 
         A ka nevojë të thuhet, tani, se lufta e UÇK-së dhe sakrifica e Adem Jasharit dhe e Jasharajve të tjerë të rënë ia ktheu atdhetarizmit sinqeritetin, natyrësinë, burrërinë, nderin – ia ktheu virtytet pa të cilat atdhetarizmi shndërrohet në mjet përfitimesh. Nga shtjellimi i sipërthënë do të doja të nxirret përfundimi se vetëflijimi heroik për një ideal të përgjithshëm, siç është ideali i lirisë dhe i pavarësisë, nuk mund të shikohet vetëm si akt heroik: ai është njëkohësisht akt i flijimit për jetën e të tjerëve, është akt i humanizmit. Në qoftë se, prandaj,i shikojmë si të parëndomta, të jashtëzakonshme, domethënë i mitizojmë të bërat e shenjtorëve të ndryshëm, të cilët vetëm në raste të rralla e kanë çuar humanizmin e tyre deri në aktin e vetëflijimit, nuk më duken aspak të arsyeshme pohimet për rëndomtësimin e bëmës së Adem Jasharit dhe të Jasharajve të tjerë të rënë para dhjetë vjetësh.

 
         Se, po të pranonim konceptin për rëndomtësimin e aktit vetëflijues të Adem Jasharit‘ dhe të Jasharajve të tjerë, ne do të pajtoheshim me konceptin e ndërtuar mbi të pavërteta sipas të cilit liria dhe pavarësia e Kosovës janë fryt në radhë të parë i atyre që kishin iluzionin se kishin krijuar rend demokratik nën dhunën dhe krimet e regjimit të Millosheviqit e jo i luftës çlirimtare të UÇK-së dhe i gjakut të dëshmorëve! Po të pajtoheshim me atë koncept të gënjeshtërtë, ne do të bëheshim mohues të të vërtetës historike e kjo domethënë pjesëmarrës në korrupsionin shkencor e politik që po bëhet publik jo vetëm në disa media kur shkruhet a flitet për procese, dukuri e ngjarje të çerekshekullit të fundit në Kosovë, e sidomos, prej vitit 1990 e deri sot. Po, ta përfundoj këtë fjalë. Ne, të moshuarit, që jemi pjekur në furtunat e viteve të shkuara, mund t’i quajmë fatlum të rinjtë, që do të gëzojnë frytet e 17 shkurtit 2008. Dua të besoj se ata do të jenë plotësisht të pavarur që të caktojnë vetë, drejt e ndershëm, e jo t’ua caktojnë të tjerë, të vërtetat e vlerat që do të çmojnë. Ne, të moshuarve, na bën të lumtur vetëdija se ata nuk do të përjetojnë sprovat, mundimet a tragjeditë që kemi përjetuar ne.


         Por, nuk do të duhej të harrohej se, megjithëse Kosova është bërë e pavarur, politika e Serbisë ndaj shtetit të Kosovës nuk ka ndryshuar: mbetet armiqësore.

 
         Nuk do të duhej, po ashtu, të harrohej se, megjithëse Kosova është bërë e pavarur, çështja shqiptare nuk mund të quhet e zgjidhur përfundimisht. Kur të zgjidhet përfundimisht kjo çështje e rëndë e Ballkanit, Kosova, të shpresojmë, do të mund ta përdorë lirisht, në pajtim me interesat historike të gjithë popullit shqiptar dhe në pajtim me idealin njëshekullor të gjithë brezave tonë, sovranitetin e saj – çka asaj sot nuk po i lejohet! Kjo kohë, besoj, nuk do të vonojë shumë.


         E ne, tani, s’do të duhej të harrojmë përgjegjësinë që të trajtohen si duhet ata që kanë bërë më së shumti për pavarësinë e Kosovës e, jo, siç po ngjet, që të privilegjohen e të shpërblehen shumë nga ata që jo vetëm se nuk kanë bërë asgjë për të po në të vërtetë e kanë bërë të kundërtën.


         Këto të vërteta kërkojnë të mendohet shumë për vetëdijen historike dhe morale të të rinjve tanë. Dua të besoj, prandaj, se vetëdija e tyre historike do të jetë e ndërtuar jo në propagandën partiake që, aq shpesh është ndërtuar mbi privilegje vetjake dhe grupore, për ç’shkak ka mohuar edhe luftën çlirimtare, po në moralin e përkushtimit të jashtëzakonshëm, idealist, ndaj lirisë dhe pavarësisë së Kosovës, të atyre që kanë menduar si të japin e si të flijojnë: të UÇK-së, të themeluesit dhe komandantit të saj, Adem Jasharit, të familjes – monument JASHARAJ dhe të gjithë dëshmorëve të rënë për Kosovën.


         Këta janë çlirimtarët dhe këtajanë lavdia e Kosovës.

Email to send to: *
Your name: *
Your E-mail: *
KOMENTET
Name
Content
Ne mbajmë të drejtën e fshirjes së komenteve që thyejnë rregullat e portalit.

Zëvendëskryeministri dhe ministri i Punëve të Jashtme i Shqipërisë, Edmond Haxhinasto, gjatë një vizite dyditëshe  në Republikën e Kosovës ka vizituar edhe Kompleksin Memorial “Adem Jashari” si dhe familjen Jashari në Prekaz.

Shefi i diplomacisë shqiptare me ç’rast ka vlerësuar lart kontributin e Jasharëve për kombin shqiptar.

Ai gjatë vizitës në Prekaz është pritur nga Murat Jashari.

Prekaz, 7 mars – Manifestimi tradicional treditor Epopeja e Ushtrisë Çlirimtare të Kosovës, është përmbyllur me “Natën e zjarreve”, të hënën mbrëma, në orën 18:00, duke filluar në Prekaz me ndezjen e flakadanëve dhe zjarrit qendror e për të përfunduar natën vonë në sheshin “Adem Jashari” në Skenderaj me koncertin e madh dhe me ndezjen e fishekzjarrëve të shumta.
Manifestimi i kushtohet rënies heroike të komandantit legjendar, Adem Jashari, dhe 55 Jasharëve dhe bashkëluftëtarëve tjerë të tij, të cilët para 13 vjetësh, për 3 ditë e 3 net rresht, u kishin rezistuar sulmeve barbare të forcave policore e paramilitare serbe.
Sipas skenarit tashme tradicional, pikërisht në orën 18:00, kur terri fillon ta mposhtë dritën, sikur qe robëria serbe kishte pushtuar Kosovën për gati një shekull, në kullat e Jasharëve dhe në bunkerin e legjendarit, në pyllin sipër lagjes Jashari, ndizen flakadanë të shumtë, të cilët me ndriçimin e tyre simbolizojnë ndezjen e  shkëndijave të lirisë, të para 13 vjetësh.
Të rinj e të reja, të veshur me uniforma të UÇK-së dhe veshje kombëtare, me flakadanë në duar, nisen nga Varrezat e Dëshmorëve, në të cilat prehen heronjtë e asaj lufte heroike. Dhe derisa flakadanët u vendosën përreth kompleksit të varrezave, gjimnazistët vunë nga një buqetë lulesh mbi secilin varr të 49 dëshmorëve sa janë në këtë kompleks, emrat e të cilëve nga udhëheqësi i manifestimit, para mijëra qytetarëve të tubuar, u përmenden emër për emër.
Ndërkohë, është ndezur zjarri i madh, flaka e të cilit është shpërndarë gjithandej, ashtu sikur që para 13 vjetësh ishte shpërndarë nga këtu zjarri i luftës dhe kushtrimi i legjendarit Adem Jashari, të cilit i janë përgjigjur liridashësit kudo që ishin. Ndezja e këtij zjarri është pasuar nga ndezja e zjarreve të tilla në të gjitha fushëbetejat e luftës së UÇK-së, anekënd Kosovës.
 Pas përfundimit të ceremonisë së ndezjes se flakadanëve dhe zjarrit, në Prekaz, pjesëmarrësit i janë drejtuar qytetit të Skenderajt, për të marrë pjesë në koncertin e madh me pjesëtarët e estradës, i cili është mbajtur në sheshin “Adem Jashari”. Në nderim të këtij përvjetori janë ndezur edhe fishekzjarrë të shumtë.
Kësaj radhe, deri në momentin e raportimit,  nuk janë vërejtur liderëttanë shtetërorë, politikë apo ushtarakë. Bekim Jashari, i pranishëm në këtëtubim, përmes medieve ka falënderuar pjesëmarrësit dhe ka shfrytëzuar rastinedhe një herë të apelojë për unitet të udhëheqjes sonë.  

Në ditën e tretë, të manifestimit treditor “Epopeja e UÇK-së”, me rastin e 13-vjetorit të rënies heroike të Komandantit Legjendar të UÇK-së, Adem Jashari dhe familjes së tij, që njihet edhe si ”Nata e Zjarreve”, sonte do të ndizen zjarre në Prekaz.

 Dhe kështu  përfundojnë aktivitetet në kuadër të manifestimit treditor "Epopeja e UÇK-së"

Gjithashtu sonte do të mbahet edhe një  koncert në sheshin “Adem Jashari”.

“Nata e zjarreve” do të shënohet në gjithë Kosovën.

Gjatë dy ditëve të kaluara, të shtunë, është zhvilluar një manifestim në kazermën "Adem Jashari" të FSK, dhe të dielën është mbajtur Akademi Përkujtimore, dhe janë bërë homazhe ne Prekaz.

Prishtinë, 06 mars, 2011 - Ngjarjet e fillim marsit të vitit 1998 hynë në historinë më të re të Kosovës me tërë tragjedinë dhe madhështinë e vet, duke marrë shenjën e sakrificës sublime të njeriut dhe si të tilla u shndërruan në epopenë e lavdishme të UÇK-së, u tha në një akademi përkujtimore kushtuar komandantit Adem Jashari.

Nën përkujdesjen e Qeverisë së Kosovës, të dielën është mbajtur një akademi përkujtimore kushtuar komandantit legjendar të UÇK-së Adem Jashari dhe familjes së tij, e cila ra heroikisht për të mos vdekur kurrë 13 vjet më parë në Prekazin legjendar.

Të pranishëm në këtë akademi ishin struktura të larta të institucioneve të Kosovës, përfaqësues të organizatave të dala nga lufta e UÇK-së, por jo edhe i pari i vendit, Behgjet Pacolli.

Kryetari i Kuvendit të Kosovës, Jakup Krasniqi, ka thënë se falë luftës dhe sakrificës së Jasharajve dhe dëshmorëve tjerë ne sot po e përjetojmë lirinë dhe pavarësinë.

"5, 6 dhe 7 marsi i vitit 1998, vërtet hyri në historinë më të re të Kosovës me tërë tragjedinë dhe madhështinë e vet, ditët që në ritmin e vet brenda kalendarit do të ishin të rëndomta në rrethana të veçanta e morën shenjën e sakrificës sublime të njeriut dhe u shndërrua në Epope", ka thënë Krasniqi.

Ministri i Kulturës, Rinisë dhe Sporteve, Memli Krasniqi, ka theksuar se rënia e komandantit legjendar Adem Jashari ishte një frymëzim për idetë më sublime të humanizmit dhe të demokracisë të vendosura në themelet e idesë së luftës së popullit tonë për liri dhe pavarësi.

"Sot në 13 vjetorin e rënies në altarin e lirisë, po e përkujtojmë veprën e kryekomandantit të UÇK-së Adem Jashari, heroit të Kosovës, figurën madhështorë të udhëheqësit dhe të frymëzuesit tonë për liri, i cili skepticizmin dhe vetëmohimin të tij, dhe të familjes së tij i kapërceu kufijtë e reales dhe të mundshmes duke u shndërruar në frymëzim për brezin tonë dhe për brezat që do të vijnë", ka thënë Krasniqi.

Akademik Esat Stavileci, duke e çmuar lart veprën dhe kontributin e komandant Adem Jashari, porositi institucionet e vendit se sot më shumë se kurrë duhet të punojmë për të ndërtuar një shtet të fortë ashtu siç ishte synimi i luftëtarëve të lirisë.

"Sot përkulemi para varrezave të popullit e të kombit, përkujtojmë trimërinë dhe sakrificën e tyre për ta shkruar një faqe të re në historinë tonë për nxitjen, zhvillimin dhe përshpejtimin e proceseve për liri e pavarësi të Kosovës dhe të shqiptarëve", ka thënë ai.

Në emër të familjes Jashari, me një fjalë rasti të pranishmit i përshëndeti Bekim Jashari, i cili uroi të gjithë shqiptarët për këtë përvjetor, duke porositur se ka ardhur koha që të punojmë së bashku dhe ta çojmë vendin përpara.

"Tash 13 vite ne ishim në Gjermani, dhe kur ndodhi rasti dhe shumë njerëz aty dhe njëri nga shokët i tha, baca Rifat, shumë ke dhënë, baca Rifat, 56 anëtarë të familjes të fisit të Jasharëve, mbahu i fortë. Baca Rifat i tha do të mbahem i fortë. Po si të mos mbahem ai pat thënë, kam dhënë 56, por kam fituar 7 milionë", ka thënë Jashari.

Ai u ka bërë thirrje liderëve të vendit që të lënë anash inatet individuale, dhe të bashkohen për të mirën e vendi.

Për të pranishmit në këtë akademi është shfaqur edhe një program kulturor-artistik.

Prekaz, më 06 mars 2011 - Në 13-vjetorin e rënies heroike të komandantit legjendar Adem Jashari dhe familjes së tij, kryetari i Kuvendit të Kosovës, Jakup Krasniqi, ka bërë homazhe te Varrezat e Dëshmorëve në Prekazin legjendar.

Ai me këtë rast ka thënë se Prekazi legjendar paraqet përmasën e dhimbjes dhe lavdisë kombëtare të popullit shqiptar, i cili sot pasi aty krisën pushkët

"Ne e zgjodhëm Prekazin për të ardhur në këto ditë për shkak të përmasës së dhimbjes dhe lavdisë të nivelit kombëtar që e ka dhe jemi të bindur që duke nderuar këtë përmasë të lavdisë dhe të dhimbjes kombëtare, ne nderojmë gjithë familjet shqiptare në Kosovë, i nderojmë gjithë kombin shqiptar dhe historinë e dhimbshme të tij, por njëkohësisht edhe të lavdishme", ka thënë Krasniqi.

Prekaz, 06, mars, 2011 - Në ditën e dytë të manifestimeve “Epopeja e UÇK-së”, Prekazi sërish bashkoi zyrtarët më të lartë të vendit, të cilët bënë homazhe në përkujtim e nderim të sakrificës së familjes ikonë të çlirimit të Kosovës, familjen Jashari.

Në 13-vjetorin e rënies heroike të komandantit legjendar të UÇK-së, Adem Jashari dhe familjes së tij, presidenti i Kosovës, Behgjet Pacolli, ka bërë homazhe pranë Varrezave të Dëshmorëve në Prekazin legjendar. Ai me këtë rast ka thënë se Prekazi i bashkon të gjithë shqiptarët kudo që janë dhe se aty është vulosur pavarësia e Kosovës.

"Prekazi është një vend që i bashkon të gjithë shqiptarët jo vetëm nga Kosova, por nga të gjitha trojet dhe diaspora. Lavdi dëshmorëve tanë, u qoftë i lehtë dheu i Kosovës. Këtu është vulosur pavarësia e Kosovës, të cilën ne e gëzojmë sot. Lavdi edhe njëherë të gjithë dëshmorëve që kanë rënë për lirinë e Kosovës", ka thënë Pacolli.

Prekaz, më 06 mars 2011 - Kryeministri i Kosovës, Hashim Thaçi, ka thënë se 13-vjet pas rënies heroike të komandantit legjendar Adem Jashari vendi ynë është në rrugë të sigurt drejt integrimit në NATO dhe Bashkimin Evropian (BE).

Ai këto komente i bëri me rastin e homazheve te Varrezat e Dëshmorëve në Prekazin legjendar, ku së bashku me zyrtarë të tjerë të Qeverisë së Kosovës kanë nderuar veprën dhe sakrificën sublime të kryekomandantit legjendar Adem Jashari.

"Sot populli i Kosovës bën nderime shtetërore për komandantin legjendar Adem Jashari, familjen e tij, gjithë sakrificën e ushtarëve të UÇK-së, sakrificën e popullit të Kosovës. Sot kemi një ditë të bashkimit, e afrimit, e respektit për të kaluarën dhe për të marrë energji për të ardhmen, prandaj në emër të Republikës së Kosovës bëmë nderime shtetërore më të larta për komandantin legjendar Adem Jashari. Ne kemi fituar lirinë, kemi fituar pavarësinë, po e ndërtojmë shtetin tonë, jemi në rrugë të sigurt për t'u anëtarësuar në NATO dhe BE, prandaj në 13-vjetorin e rënies heroike të komandanti legjendar Adem Jashari Kosova është në rrugë të mbarë, në rrugë të suksesit, është një garanci e plotë për të ardhmen e saj euroatlantike", ka thënë kryeministri Thaçi.